tg-me.com/DoaaAIamry11/26996
Last Update:
#فزاعية لـ أولاد مسلم
لسان حال والدتهم
اولادي ضاعو ياخلگ
ياهو اليدور اعليهم
"""""""""""""""""""""""""""""""""""""""
ياهو يشوف اولادي
اثنين اهمه لب افادي
وحدي أون بالوادي
اطفالی مضیعیهم
✍️#علويه_ام_فاضل
❉━━━━━❰･❉･❱━━━━━❉
غابو بعد شـيردهـم
لیل ومشو وحدهم
نار وجمر فرگتهم
گليبي بقى امتانيهم
✍🏻#ام_عباس_الحسیني
❉━━━━━❰･❉･❱━━━━━❉
طاحوا يويلي ابغبره
خاف الجسوم موذره
ونّاتي ليهم كَثره
وينه الذي يحميهم
✍#خادمة_ابي_الفضل
❉━━━━━❰･❉･❱━━━━━❉
راحو يويلي من ايدي
شرياني الي ووريدي
أنحب واصيح وليدي
خاف العدو ياذيهم
✍🏻#ولائـية_وافتـخر (دعاء العامري)
❉━━━━━❰･❉･❱━━━━━❉
حلويني راحو مني
گلبي خلص من ونّي
وين اليدور عنّي
والبي رحم يلگيهم
✍🏻#ام_محمد_الحجاج
❉━━━━━❰･❉･❱━━━━━❉
راحوا حبايب عيني
دمع الهظم ماليني
فراگ الولد چاويني
بالبر منو يدليهم
✍🏻#آلّشآعرهً آلــــّعــلّويِـــه آلّمٌوسويِــــۿ
❉━━━━━❰･❉･❱━━━━━❉
جار الزمان اعلينه
طفلين ضاعوا لينه
وابلا امل ظلينه
وين الغيارى اتجيهم
✍🏻#ام_سيد_يعقوب_الموسوي
❉━━━━━❰･❉･❱━━━━━❉
عالشاطي مطهر مذبوح
وطاهر دمّاه المسفوح
ویلي یگلبي اللي ینوح
صرت بحزن وانعیهم
✍🏻#الفاطمية_رافضية_وافتخر
❉━━━━━❰･❉･❱━━━━━❉
محد حضر ليه وشاف.
نسوان وبقينه اضعاف.
ماكو عدل ماكو انصاف.
كفر انعرف ماضيهم.
✍#ام_فاطمة_الزهراء
❉━━━━━❰･❉･❱━━━━━❉
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tg-me.com/id/الُشِاْعرَةِ وَلُائـيَةِ وَافَتْـٌخرَ/com.DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Warning: Undefined variable $i in /var/www/tg-me/post.php on line 283
Share with your friend now:
tg-me.com/DoaaAIamry11/26996